As ek die kruis aanskou
As ek my oog wend na die kruis
Dan voel my siel verbreek, vergruis.
Dit is die spieëlbeeld van myself
Soos God my sien uit hemelwelf
En voel ek hoe Sy deernis blik
Tot in my siel, my hart in mik.
As ek die skadubeeld aanskou
En ek die perspektief behou
Van die betekenis daarvan:
Dis God se alverlossingsplan;
Dan weet ek dis vir my gerig
My weë na die hemel rig.
As ek die kruis sien van ver af
Dan sien ek 'n geopend graf;
En weet Hy’t uit die dood verrys
Om my van die verderf te eis;
My lewe so aan God te wy
En so die sonde strik te my.
As ek my oog wend na die kruis
Waaraan Sy liggaam hang vergruis,
Weet ek dat deur sy wonde naak
Genesing ook my liggaam raak
Daar deur Sy lyde, strieme seer
Het Hy my lyding afgeweer.
Sien ek die kruis in geestesoog
Op Golgota geplant omhoog
Dan weet ek dat ek nimmermeer
My sondelas hoef aan te keer,
Maar al my laste op Hom plaas;
En ek die hemel erf, helaas.
Geskryf deur Joffie Janse van Rensburg op 06 Junie 1987